Like and follow us on Facebook

1. Aallarniut, sooq kuuffiit pingaaruteqarnersut

1.1. Oqaluttuarisaaneq

Imeq tassaavoq nunarsuatsinni uumassuseqarnermut sananeqaat pingaarnerpaaq. Kisianni aqqusinerni imeq amerlanertigut ajornartorsiutaasarpoq. Aqquserngup ajoqquserneranut, aqquserngullu angallaffiuminaanneranut, peqqut anginerpaaq tassaavoq imeq sinneruttoq aqqusinermi issummilu toqqavimmi aqquserngup sannaasa ammaneerannguinut pisarmat.


0
0
0
0
0
0

Amerlanerit nalunngilaat aqquserngup sannai panertut ajorneq ajormata, taamaattumillu oqaluttuarisaanermi aqquserngit nunamut panertumut pisillugit sananeqartarput. Aqquserngit nunamut masattumut sanasariaqarsimagaangata aqquserngit sannaat panertinniarlugit amerlanertigut kuuffiit sananeqartarsimapput.

0

Europami aqquserngit siulliit ukiut 3500 matuma siorna sananeqarsimapput. Taamanili ingeniørit aqquserngit sannaat kuuffilernissaat pingaartillugit sanasarsimavaat. Ukua maluginiarfigisarsimavaat kippap uersimarnga (imeq kussianut ajornannginnerusumik kuunniassammat), aqquserngup qaffasissusaa (aqquserngup qaava nunap erngata killinganiit nunamiillu eqqaaniittumiit qaffasinnerusariaqarpoq) kiisalu kussiat (imeq aqquserngup sannaanit peersinniarlugu nunallu ernga qaffatsinnaveerniarlugu).

Naleqqiussaq: Dawson: Water in Road Structures

0
0

Maannakkulli aqquserngit kuuffiinik aserfallatsaaliineq pisariaqartitaq nunani amerlasuuni atorneqanngilaq. Assersuutigalugu ROADEX-ip suliniutaasa inerneri takutissimavaat Europap avannaatungaani kuuffiit pitsaangitsut ajornartorsiutaanerpaat ilaaniittut. Kuuffilunnerit sumi tamaani aqqusinerni angallaffiuallaangitsuni, kisianni aamma aqqusinerni angallaffiungaatsiartuni, nassaassaapput. Ukiuni kingullerni, naalakkersuisut aqqusinernik angallaffiuallaangitsunik aserfallatsaaliinissamut aningaasartuutinik annikillisaanerini, aningaasat asfaltilersuinermut kisimik atorneqartarsimapput, taamatullu kuuffiit aserfallatsaaliorfigineqassanatik.

1.2. Kuuffilunnerup kingunerisaanik ajoqutit

Kuuffilunnerit aqqusinernik atuisunut aamma aqqusinernik piginnittunut ajoqutinik amerlasuunik pilersitsisarput. Taakkualu makkuugajunnerusarput:

1) aqqusinermi angallannermut isumannaallisaaneq  (imeq peqqutaalluni biilit aqukkuminaallinerat aamma sermeq)


0
0
0
0
0
0

Kuuffilunneq aqqusinermi angallannermut isumannaallisaanermut ajoqutaavoq. Imeq aqqusinermi katersuulluni taserannguussinnaavoq. Imeq katersuunnikoq siallersumi biilit aqukkuminaallisissinnaavai. Aqquserngup qaava masakkaangat tagiunneq annikillisarpoq, taamaasilluni bremserneq takinerulersarluni. Ukiup ilaagut unnuami qerinnartumi imeq aqquserngup qaavani katersuussimasoq qerisinnaasarpoq, ullukkullu qerinnarunnaarfimmi aaqqilerluni. Taamaalisukkut aqquserngit quasattorujussuanngorsinnaasarput, tagiunnerullu allanngornera aquttuniit tupaallaatigineqarsinnaasarluni.

2) nungullarsaaneq


0
0
0
0
0
0
0

Imeq aqunneqanngitsoq aqquserngup eqqaaniittoq nungullarsaasinnaavoq. Kuuffissuaqarfiit aamma nungullarsaanermit eqqorneqarsinnaapput. Kuuffissuit diameterii mikisut milittoornikullu imeq aqquserngup tungaanut kuutilersinnaavaa taamaasillunilu nungullarsaalerluni. Imeq kuuffissuarniit aniasoq, kuuffigisaa issuuguni nungullajasoq, aamma nungullarsaasinnaavoq. Issuit nungullarsaanermut malussajasut tassaapput sioraq maqulluttoq, sermip nassataa sioraq maqulluttoq kiisalu sioqqat. Naasoqarneq nungullarsaaneq annikillisissinnaavaa.

3) nunami toqqavimmi aqquserngullu sannaani iluserlivinnerup kingunerisaanik nukittussutsip annikillineri


0
0
0

Kuuffilunneq isugutallu aqquserngit iluserlivinneqalernerinut peqqutaanerpaapput. ROADEX-ip suliniutaat siornatigut ingerlanneqarsimasut takutissimavaat Nunani Avannarlerni Killerni iluserlivinneq pisuulluni aqqusinerni minnerni angallanneq orniginartinneqanngitsoq. Tamatuma kingunerisinnaavaa aqqusinermi angallannermut isumannaallisaaneq annikillisoq, aquttut peqqissusaanik ajornartorsiutit annertusisut, aqqusinerni nukittussutsit annikillisut kiisalu aqquserngup piginnittuinut atuisuinullu aningaasartuutit annertusisut.

4) qeruup qattutsinera aamma qeruup qattutsineri assigiinngisitaartut


0
0
0

Qeruup qattutsineri assigiinngisitaartut pinngortarnerinut peqqut ataaseq tassaavoq aqquserngup kuuffii aserfallatsaalineqarnissamik pisariaqartitsigaluarlutik isumagineqanngitsoornerisa kingunerisaanik kuuffilunneq. Qeruup qattutsinerisa aqquserngit maniinnersarasaaqartilerlugillu quppartitilersinnaavaat.

5) aqquserngit qallersaataasa ukiut atuuffii sivikillineri kiisalu aqquserngit qallersaataanut ingerlatsinermut aningaasartuutit annertusineri.


0
0
0
0

Aqquserngup qallersaataanik taarsersuinermik pisariaqartitsineq annerpaaq kuuffilunnermik tunngaveqarpoq. Aqqusinerni pitsaavallaangitsumik inissisimasuni kuuffiit pitsanngorsarneri, aserfallatsaalinerilu, aqquserngup qallersataasa atuuffii 1.5-miit marloriaammik sivitsorsinnaapput. Inernerit taakkua ROADEX II suliniummi naatsorsuinernit teoretiskiusunit tunngavilersorneqarsimapput. Inerniliineq unaasimavoq kuuffiit aserfallatsaalineri iluarseeqqinnerilu aningaasat najoqqutaralugit ingerlanneqarsinnaappata, aqquserngit qallersakkanut ukiumoortumik aningaasartuutit annertuumik sipaarfiusinnaasut.

SHARE: